Joachim nuliassaalu Marie frimærkiliarineqarput
- Kunngikkormiuni katittoqarnera frimærkimik uuminnga qaqugorsuarmut eqqaamasassanngortinneqarpoq, kalaallillu tamanna tulluusimaarutigeqaat, Post-imi pisortaq Per Svendsen oqarpoq, taamaalilluni Kalaallit Nunaata Naalagaaffeqatigiinnermut Kunngikkormiunullu kialaartumik atanera ersersillugu.
Frimærkimut ilanngullugu allakkap puussaa ulloq siulleq saqqummersoq, maxikort-i, postkort-i, aammalu naqitsissut ullormut siullermut naqitsissutaasoq katittussat aqqisa aallaqqaataannik Prins Joachim-imit t ilusilersorneqarlunilu titartarneqartoq saqqummiunneqassapput.
Frimærki majip 24-ani, tassa ullormi katiffianni, saqqummissaaq.