Jiisusigooq kikiattugaasimagunanngilaq
Palasip Gunnar Samuelsenip paasivaa...Jiisusi allatut ajornartumik kikiattugaasimagunanngitsoq.
Aviisimi ullormut saqqummersartumi, Politikenimi, tamanna allaaserineqarpoq.
Imali paasisariaqanngilaq Jiisusi inuusimanngitsoq - Gunnar Samuelsenimmi oqarnera naapertorlugu ilumut inuusimavoq - najoqqutanili aalajangersumik oqaatigineqanngilaq, sanngingasumi toqusoq.
Palasip oqarnera malillugu qisummi amitsukujuumi, napasuliami orpimmiluunniit Jiisusi toqusimasinnaavoq. Sanningasummi isumaanik misissuigami qisuit amitsukujuut, napasuliat orpiillu tamarmik taama isumaqartut paasisimavaa.
Gunnar Samuelsen aviisimut Politikenimut oqarpoq, ilumooruni mamianarluinnartumik paasisaqarsimalluni.
Oqaluussisarnini siunissami taamaammat allanngortinniarpaa. Ima oqartarunnaarniarpoq "Jiisusi sanningasulimmi illit pillutit toquvoq", imali "Jiisusi illit pillutit toquvoq."
