Jess Svane: Royal Greenland pakatsinarpoq

Royal Greenland siunissamut isiginerusumik ingerlatsisariaqartoq, Qasigiannguani borgmesteri Jess Svane oqarpoq.

- Ajuusaarnaraluartumik oqartariaqarpunga, isumalluarsimagaluaqigatta, kalaallinik pisortaqalermat. Ismaqaraluarattami ajunnginnerusumik paasinninnerusumillu ingerlatsisoqalissasoq. Taamaattoqanngilarli, Jess Svane oqarpoq nangillunilu: - Sulisuminut kommuninullu pilersaarutinik siunissamut isigisunut RG peqartariaqarpoq, tassami illoqarfinni fabrikkit imminut akilersinnaappat imaluunniit akilersinnaanngillat? Taamaassappammi kommunit nammineerlutik innuttaaqataasut piginnaasallit peqatigalugit kommunit nammineq iliuuseqarsinnaassammata.

Qasigiannguani qaleralinnik tisaartulernissamut atortunik ikkussuisoqassasoq RG oqarpoq, tamannalu Qasigiannguit kommuneata isumalluarfigaa. Taamaakkaluartoq siunissamut isiginerusumik RG-p pilersaaruteqarnissaa ujartorneqarpoq.

Marlunngormat Qasigiannguani sulisut angerlartiinnarneqarput, suliassaaruttoqarmat.