Jess G. Berthelsen: Uippallertoqaranilu pipallattumik aalajangiisoqannginnissaa kissaatigaara
2008-mut Inatsisartut aningaasanut inatsisissaannut siunnersuut Aningaasaqarnermut Naalakkersuisup Aleqa Hammondip issatsiaq saqqummiukkamiuk oqaatigaa amigaatigineqartut ilaat 100 millioni koruunit missaat akileraarutit akitsuutillu qaffannerisigut aaneqarsinnaasut.
Siumup kissaateqarneratut akileraarutit akitsuutillu qaffanneqassappata, Atassutip tunngaviusumik isummersortarneranut tamanna akerliussaaq, naalakkersuisoqammullu nakkaannarnerussalluni.
SIK-p siulittaasua Jess G. Berthelsen oqarpoq, suliffissaaleqisut 1600 missaaniittut suliffissarsissunneqarnissaat qaffaanissamiit pingaarnerutinneqartariaqaraluartoq. – Akitsuutinik qaffaanerinnakkut pujortarunnaartitsisoqarsinnaanngilaq allatigulluunniit atornerluineq unitsinneqarnavianngilaq, Jess G. Berthelsen oqarpoq nangipporlu: kissaatigeqaara naalakkersuinikkut uippallertoqalissanngitsoq pipallattumilluunniit aalajangiisoqassanngitsoq.
Jess G. Berthelsenip ajoriffissaqartinngilaa akissarsiaqqortunerinnaat akileraarnerusalersillugit progressiv beskatning eqqunneqassappat.