Jess G. Berthelsen ilisimasaqarnerusorinerarpaa
- Jess G. Berthelsenip GA-mik isumaqatigiissuteqarnissani ukiuni arlalinni kissaatigisimanngilaa. Taanna matumani qitiuvoq, tamannalu pissutigalugu namminersortuni sulisut pisortani sulisunut naleqqiullutik akissarsiarinnerusutut isikkoqarsinnaapput, naak akerlianik pisoqaraluartoq. Taamaammat Jess G. Berthelseni imminut ilisimanerusutut nipeqarluni oqaluppoq, Henrik Leth oqarpoq, nangillunilu:
- SIK isumaqatigiinniarfigisinnaalerumallugu isumaqatigiissitsiniarnissaq pillugu suliassamik tunniussinikuuvugut, taannalu naammassineqangajalerpoq, GA-p pisortaa oqarpoq.
Sulisut namminersortuniittut 5 procentiunngitsulluunniit SIK-mut ilaasortaapput, oqartussanilu sulisut 95 procentii SIK-mut ilaasortaallutik, taamaammat GA SIK-p aningaasaateqarfiinut akiliuteqartalernissaanik piumasaqaat pissusissamisuunngilaq, Henrik Leth naggasiilluni oqarpoq.