Jeremiassen IA-nngorpoq
Politikerip ilisarisimaneqartup politikkikkut nutaamik angerlarsimaffeqalerneratigut, Qaasuitsup kujasissortaani pissanganartorsiorneq nangeqqippoq
Kristian Jeremiassen, IA.
Allattoq Jonas Løvschall-Wedel
apriilip 26-at 2017 17:09
Inuit Ataqatigiit Qaasuitsup Kommuniani Qaasuitsup kujasissortaanilu kommuninngortussami nutaamik ilaasortaqalerpoq. Tassa Siumumut Atasummullu siusinnerusukkut ilaasortaasoq, Kristian Jeremiassen, Inuit Ataqatigiinni maanna ilaasortaalerpoq.
- Inuit Ataqatigiit Qasigiannguani siulittaasuattut Kristian Jeremiassen ilaasortanngortoq matumuuna nalunaarutigaara, immikkoortortaqarfiup siulittaasuat, Klaus Lundblad tusagassiuutinut allappoq.
AAMMA ATUARUK Kristian Jeremiassen Siumumit ilaasortaajunnaartoq
Inuit Ataqatigiit Qaasuitsup kujasissortaani ikaarsaariarnermi aaatsimiititaliami arfineq pingasunik maanna ilaasortaqalerpoq, ikaarsaariarnermilu ataatsimiititaliaq 15-inik ilaasortaqarmat, Inuit Ataqatigiit amerlanerussuteqalissaaq.