Jeppe Nielsen Kalallit Nunaanni igasut unammineranni ajugaavoq

Igasut imminnut unammisut tallimaasut ullaaq arfineq-pingasunut aallartikkamik 20 minutsinik akunnilerlugit aallartittarlutik nalunaaquttap akunneri sisamaat avillugu (3½ time), siuleqqiusiorlutik, nerisassiorlutik kinguleqqiusiorlutillu sulisimasut, suleqatitta Else Jensenip nalunaarutigaa. Suliatik naammassigaangamikkit naliliisartunut sisamaasunut ingerlateqqittarpaat, naliliisullu uuttukkaminnik pointilersuiitigalutik misiliisaqattaarput.

Maannalu tassa unnummut arfinernut aallartittumik nerersuaqatigiinnertalimmik ajugaasut suaarutigineqartut tassaapput: Ajugaasuuvoq Jeppe Nielsen Hotel Hans Egede.-mi igasoq ukiup aappaasaani ajugaasoq, tulliatullu toqqarneqar

poq Mona Jessen Hansen Hotel Godthåb/Godthåb Bryghus-mi igasoq. Pingajuuvorlu Jakob S. Pedersen Hotel Arctic-mi Ilulissani igasoq.

Igasunik pissartanngorniutsitsineq INUILI-mi ukiut arfineq-pingajussaat ingerlanneqarpoq. Ajugaasorlu inuussutissarsiutigalugu igasut igasutsialattut aappaagu Danmarkimi ingerlanneqartussami ajugaaniutivinnissamut anngunniunnissamut peqataassaaq.

Igasut suliaannik naliliisut tassaapput, INUILI-mi pisortaq Esben Toftdahl taassuma nalileeqatigalugu Danmarkimeersoq Kasper Nielsen naliliisullu aapparaat INUILI-mi ilinniartitsisut, igasut Marie Toftdahl aamma Morten Mikkelsen.

Igasut saniagut igasumut ilinniartut Grønlandsbanken Cupimik taallugu unammisinneqarneranni ajugaasuuvoq, Inunnguaq Hegelund Hotel Arctic-imi Ilulissaniittumi ilinniartoq, ajugaasup tulleraa Rasmus Lynge Hotel Hans Egede Nuuk, kiisalu Stella Jensen normu 3nngorpoq Hotel Kangerlussuarmi igasumut ilinniartuusoq.