Jensine Berthelsen Atassutip Inatsisartuinut siunnersortinngorpoq
Jensine Berthelsen Atassutip inatsisartuni ilaasortaatitaanut siunnersortitut atorfinitsinneqarnera Atassutip siulittaasuanit Gerhardt Petersenimit innersuussutigineqartoq, Atassutip siulersuisuunerini ilaasortap Arnannguaq Blytmannip oqaatigaa.
Jensine Berthelsen partiip Atassutip ulluinnarni sulineranut sunniuteqartassanngitsoq, Arnannguaq Blytmannip oqaatigaa.
Jensine Berthelsen Atassummut ilaasortaajunnaarluni qaammat kingulleq nalunaarpoq, siunnersortitullu atorfimminit taamatuttaaq tunuarluni.
Immikkoortortaqarfinnut isummersueqqusilluta noqqaassuteqartarnerit kinguneqartannginerat pissutigalugi Jensine Berthelsen misigisimalersimavoq, nukini asuli atorlugit, Jensine Berthelsenip qaammat kingulleq partiimit Atassummit tunuarnermini, ilaatigut tamakku tunngavilersuutigai.
Siunnersortitut atorfinitsitsineq pillugu Atassutip siulersuisuuneri ualimut ataatsimiipput.
