Jens Napãtôk'-mut eqqartuussutissaq kinguartinneqarpoq
Nunatta Eqqartuussiviani eqqartuussisuuneq eqqartuussisoqataalu marluk, unnerluussutigineqartut 76-inik ikinnerunngitsut tamaasa nalilersoqqissaarlugit aalajangiiffigissavaat.
- Nunatta Eqqartuussiviani saqqummiunneqartut tamaasa peqqissaarullugit nalilersuiffigisariaqarpagut, Søren Søndergård Hansen radioaviisimut oqarpoq.
Jens Napãtôk' Nunatta karsiata akiligaanik ilassinnissutinik atornerluisimasutut pasisaalluni eqqartuussivilersuunneqarpoq. Unnerluussisoq Morten Nielsen Jens Napãtôk' qaammatini sisamani pinerluuteqarsimasut inissinneqartarfianniittussanngorlugu piumasaqarpoq. Illersuisuatali Phillip Comerfordip iperagaanissaa piumasaraa, ilassinninnermut ersarissunik malittarisassaqarsimannginnera tunngavilersuutigalugu.
- Eqqartuussutissamut nalililersuinermi piffissaliussaraluara neriulluarpallaalaarutigisimavara, Eqqartuussisuuneq Søren Søndergård Hansen kinguartitsinermut atatillugu oqarpoq.
Eqqartuussutissaq minnerpaamik sapaatip akunnera ataaseq kinguartinneqarpoq.