Jens Kristian Kleist ukioq 2011-imi suliunnaassaasoq allaffigineqarpoq
Danmarkimi palasitut atorfiup atorunnaarsinneqannginnissaa pillugu naalakkersuisut siulittaasuata Kuupik Kleistip allakkatigut qulakkeereeeraluaraa, atorfiup atorunnaasinneqarniarnera Jens Kristian Kleistimit eqqumiigineqarpoq. Naalakkersuisut imminnut assortuuttunik nalunaaruteqarnerat Jens Kristian Kleistimit qatsunneqarpoq. Inuit Ataqatigiit politikkikkut oqaaseqartartuata Inatsisartunilu Kultureqarnermullu ataatsimiititaliami ilaasortap Juliane Henningsenip Danmarkimi palasip atorfiata atorunnaarsinneqarnissaa pillugu qisuariarpoq.
Danmarkimi palasitut atorfiup atorunaarsinneqarnissaa isumaqatiginngilarput, Danmarkimi palasitut atorfiup aaqqiivigineqarnissaa pillugu suliniuteqartoqarmat, Juliane Henningsen allappoq. Ilanngullugu paaserusuppaa Danmarkimi palasitut atorfiup atorunnaarsinneqarnissaanik kina allagaqartuunersoq.