Japanimiut tikaagulliusaap neqaanik qimminut nerukkaatissiortut
Tokyomi qimminut nerukkaatissiortup Michinoku Farm-ip tikaagulliusaat Atlantikup avannaaneersut neqaannik qimminut nerukkaatissanik neqerooruteqarnermini arferup neqaa taavaa kaloriaqarpianngitsutut, orsoqarpianngitsutut aamma proteineqarluartutut.
- Pisiniarfiit arferup neqaanik qimminut nerukkaatissatut pitsassuarnik tuniniaanerannut patsisaagunarpoq, Japanimiut pisuut qanoq peqartiginertik takutikkusuttarmassuk, Nanami Kurasawa, suliniaqatigiiffimmi Ikan-imeersoq oqarpoq.
Nerukkaatissiorfiup Michinoku Farmsip nittartakkamini oqaatigaa aamma nerukkaatissat pitsassuit hiistit neqaat Mongoliameersut aamma kanngoruut neqaat tuniniaritik.
Tunisassiat allaaserineqarnerat naapertorlugu arferup neqaa tassaanerarneqarpoq tikaagulliusaap neqaa Islandimeersoq.
Island avammut tunisassiassaminik tikaagulliusaanik 180-inik ukiormanna pisaqarusuppoq, suliniaqatigiiffiullu uumasup nungutaanissamut aarlerinartorsiortup neqaanik qimminut nerukkaatissiorneq avatangiisit aningaasarsiornerlu eqqarsaatigalugit silatusaarnerunersoq apeqquserpaa.
Japanimiut aalisartut nunani tamalaani malittarisassani periarfissarsiorlutik arfernik pisaqartarput, arfernillu pisaqartarnertik ilisimatusarnertut taasarlugu. Islandip arfanniarnissamut inerteqqut soqutiginagu arfanniartarput.
