Guinness: Japanimioq arnaq 116-nik ukiulik nunarsuarmi utoqqaanersaavoq
Japanimioq arnaq 116-nik ukiulik tammoorfinnik skakkertarfinnik kisitsisinilu pingaartitsisoq nunarsuarmi utoqqaanersaanera Guinness Rekordip allattuiffiani akuerisaavoq
Allattoq Ritzau
marsip 09-at 2019 14:20
Nutserisoq Jaaku Lyberth
Kane Tanaka jannuaarip ulluisa aappaani 1903-mi inunngorpoq. Taamanikkut USA-mi præsidenti ateqarpoq Theodore Roosevelt taava aamma qatanngutigiit Wright siullersaallutik timmisartumik nunarsuarmik kaajallaapput.
Kane Tanakap nunarsuarmi utoqqaanersaaneranik nutaarsiassaq, utoqqaat najugaqarfigisaanni illoqarfimmi Fukuokami Kanep najugaqarfigisaani arfininngornermi nalliuttorsiutigineqarpoq.
Kane Tanaka aperineqarpoq inuunermini ulloq pilluarnerpaaffigisaa qanga pisimanersoq, ?
- Massakkorluinnaq, Kane akisimavoq.
Ullaat tamaasa arfinermut makittarpoq, ualikkullu matematikkimi suliassat naammassiniarsarisarlugit tushilu atorlugu kusanartumik allassinnaanermik suliaqartarluni kalligrafimik taaguuteqartumik.
