Jakob Sivertsen qinigassanngorteqqinniarunnaarpoq

Atassutip ukiuni 27-inngulersuni Inatsisartunut ilaasortarisimasaa, Jakob Sivertsen, Inatsisartunut novemberip 15-annni qinigassanngortinniarunnaartoq, Atassutip siulittaasua Finn Karlsen Radioavisimut oqarpoq. Jakob Sivertsen Inatsisartut immikkut ittumik tallimanngormat ataatsimeereersullu oqaraluarpoq qinigassanngorteqqinniarluni.

Jakob Sivertsen Kangerlussuarmi politiinit arfininngormat tigusaavoq, imigassartorsimalluni aalakoornini pissutigalugu timmisartumut ingerlaqqiffissaminut ikeqqusaannginnini kamassutigigamiuk.

Politiilersuunneqarnerup kingorna Atassutip siulittaasua, Finn Karlsen, Jakob Sivertsenilu telefonikkut oqaloqatigiissimapput, Sivertsenillu siulittaasuni oqarfigaa immikkoortortani ilisimatissimallugu Inatsisartunut qinigassanngorteqqinniarani.

Finn Karlsen Radioavisimut oqarpoq Sivertsenip aalajangernera tusaatissatut tigugini, aammali Atassutip qinigaasa pisimasutut iliorsinnaanerat akuerisinnaanngilluinnarini isertunngikkini qalleqqissarpaa, ajuusaarutiginerarpaalu taama sivisutigisumik ilaasortarisimasamik pisimasutut iliorsimanera.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat