Jakob Larsen sungiusaasutut pikkorissarniarpoq

Nunatsinni assammik arsartartut nunanut allanut unammisartut sungiusaasortaangajalerput, taama oqarpoq assammik arsartartoq, Jakob Larsen - taamaammallu sungiusaanermik aasaru pikkorissarniarpoq.

Taama paasissutissiivoq TV2/sport.

- Kalaallit Nunaat eqqarsaatinniittuaannarpoq,

Kalaallit Nunaatalu assammik arsartartuisa pitsaasumik isigineqarnissaat ukiorpassuarni tamaviaarlunga anguniarsimavara, taamaattumillu Nunatsinni Assammik Arsartartut sungiusaasuattut uannut piukkuppunga, sungiusaasunngussagaannilu klubbimi assammik arsaattartooqqaarnissaq pingaaruteqarpoq, 33-nik ukiulik Jakob Larsen, maannakkut GOG-mi assammik arsartartuusoq, oqarpoq.

Unammersuartarnerit annertuut angalasarnerillu Jakob Larsenip nuannarisarai.

- Unammersuartarnerit annertuut uannik nutsuisuupput, Kalaallit Nunaata nunarsuaq tamakkerlugu pissartangorniunnerni peqataasarnera, imarpillu Atlantiku qulaallugu angalasarnerit, tassaapput uanga nuannarilluakkakka, Jakob Larsen oqarpoq.

Jakob Larsenip, GOG-mi assammik arsartartuusup, Danmarkimi pissartanngorniunnermi Viborg sapaatip-akunnerata naanerani unammeqataaffigissavaa.