Jakob Larsen sungiusaasutut misileeqqaarpoq

Jakob Larsenip nunanut allanut unammisartoqataa Aqqaluk Sørensen Faaborg HK-mi unammeqataasarpoq, tamannali Jakob Larsenip sungiusaasutut misileeqqaarnerani iluaqutaavallaanngilaq.

Faaborg HK unammisaminnut Vejle Håndboldimut 21-29-mik ajorsarpoq, taamalu 1.divisionimi inissisimanertik ajorseriartillugu.

- Aallartiinnavillunga holdi allanngortilluinnarsinnaannginnakku, Jakob Larsen Fyens Amts Avisimut oqarpoq.

Taamaattorli Faaborgip arsarneranut qanoq pitsanngoriartinnissaanut siunnersuutissarpassuaqarpoq.

- Matumani pineqarput akeqqat saassussineri akillugit saassusseriataartarnerit, tamatumalu peqatigisaanik unammisartut inuusuttut nutaat periarfissinnissaat, Jakob Larsen oqarpoq.

Taamaattorli Jakob Larsenip unammeqataanissani naatsorsuutiginngilaa, naak holdi misilittagalimmik isertitseriartartumillu amigaateqaraluartoq.

- Kisianniuna saassussisartuvut ajornartorsiutigigivut, Jakob Larsen aviisimut oqarpoq.