Wæver uppernarsaatitaqanngitsunik isornartorsiuteqarpoq
NUTARTIGAQ: Kommune Kujallermit ammasumik allagaqaammit issuagaq novembarip 28-ani allaaserineqartup naqqani atuarneqarsinnaavoq.
KNR-ip allagaatinik takunnikkumanera kommunimiit novembarip 29-iani akineqarpoq, tamatumunngalu atatillugu kommunip eqqaamassutissatut allagaataanik tunineqarluni. Kommuni Kujalliup eqqaamassutissatut allagaataa qallunaatuinnaq allagaasoq ataani kakkigussaq atuarneqarsinnaavoq.
Borgmesterip Naalakkersuisunut allakkamini ilaatigut innersuussutigaa, neqeroortitsinerup nalaani periaaserineqarsimasoq apeqquserneqarsinnaanersoq, tassunga ilanngullugu neqeroortitsinermi piumasaqaatit avaqqullugit isumasioqatigiissusiortoqarsimanersoq, aama annertuumik apeqquserneqarsinnaasoq kiffartuussinermut isumaqatigiissutigineqarsimasoq inuiaqatigiit aningaasaqarnerat ataatsimut isigalugu aaqqitaanersoq akikinnerpaaq.
Jørgen Wæver Johansen isumaqarpoq, allakkiami ajornartorsiutitut saqqummiunneqartumi aarleqqutigalugu apeqquserpaa, isumaqatigiissutip atorsinnaassusia taamatuttaaq angallannermut tunngatillugu aningaasaqarnikkut aqutsinermut ingerlatsinermullu pissusissamisoortumik nalinginnaasumillu tatiginnissinnaaneq innarlerneqarsinnaammat.
Kommune Kujallermi borgmesterip isornartorsiutigisai uppernarsiuminaapput.
Isornartorsiutigineqartunut arlaqartunut tunuliaqutaasut pillugit allakkiat kommunemit tunniunneqarnianngillat aamma borgmesteri apersorneqarusunngilaq kiisalu kiffartuussinermut isumaqatigiissutit nutaat pillugit isummerusunngilaq isumaqatigiissutillu ilaassutissai kommunemi innuttaasunit iluarisimaarneqarnersut isummerfigerusunnagit.
Kommune kujallermi borgmesterip innersuussutigiinnarpai, immikkut ittumik aningaasaliissutigineqartut 22,2 million kr-nit inuiaqatigiit ukiumut akiliutigisartagassaat.
Akiligassaq isumaqatigiissutigineqartuni innuttaasunut pitsanngoriaataasussaq ilaatigut kommune kujallermi innuttaasunut.
Jørgen Wæver Johansenip arlaleriarlugu erseqqissaatigaa, isumaqatigissutigineqartut atorunnaarsinneqartariaqartut nutaamillu neqerooruteqartoqassasoq. Isumaqatigiissutigineqartut atorunnaarsinneqarpata kinguneriumaagassai borgmesterip isummerfiginianngilai.
Jørgen Wæver Johansenip ammasumik novembarip 23-ani allagaqaataata issuarneqarnera naqqani atuarneqarsinnaavoq.
