Iviangimikkut kræfteqalersartut
Dronning Ingridip Napparsimavissuani nakorsaaneq, Peder Kern oqarpoq.
Arnat iviangimikkut kræfteqalersimasut tamakkerlutik Danmarkimut suliaritikkiartorsinnaanerinut, inatsit maanna atuuttoq naapertorlugu neqeroornissamut periarfissaqanngilaq.
Taamaammat arnat suliaritinnerminni iviangiminnik peersitserusunngitsut, namminneq suliaritikkiartornissartik akilertariaqartarpaat.
Radioaviisimi ulloqeqqanut ilanngupparput, iviangimikkut kræfteqalersimasut suliarineqarnialeraangata iviangiisa peerneqartannginnissaat periarfissanngoqqullugu, Neriuffiit Kattuffianni siulittaasoq Peqqissutsimut naalakkersuisumut peqqissutsimullu qullersaqarfimmut allagaqarnialersaartoq.