Ittuit taarserneqassamaalerput
Anguteq ittuk, Aqqaluk ittuk, Angaju ittuk ,Johanne Kristinelu pisoqalisimammata nutaanik taarsertariaqalissasut Royal arctic line pilersaaruteqarpoq. Umiarsuaaqat Namminersornerullutik oqartussanut kiffartuussinissamut isumaqatigiissut aqqutigalugu ingerlanneqarput. Piginnittut akuerissappassuk ukiut marluk qaangiuppata nutaanik taarserneqassapput, ilaasunik angallassissutaasinnaajutigisunik.
-Piginnittut akuerissappassuk umiarsuaaqat assipajaavinik 12-nik ilaasoqarsinnaasunik sanatinneqarnissaat pilersaarutaavoq. Pajuttaat aamma annerulaartumik containerersornermut naleqquttumik taarserneqarnissaa pilersaarutaalluni, Efa Tittussen, Royal Arctic Line-ip siulersuisuini sulisut sinnerlugit ilaasortaq, Qaqortumilu umiarsualivimmi pisortaq oqarpoq. Maniitsup eqqaani nunaqarfiliartaatit ilaasoqarsinnaapput, kujataanilu ilaasoqarsinnaanatik.
Kujataani sikorsuaqartartumi Air Greenland-ip nunaqarfinnut timmisartuusisarnissanut, namminersornerullutik oqartussanut kiffartuusinissamut isumaqatigiissuteqarsimanera pissutaavoq.
