Itsarsuarnisanik Grækenlandimi nassaarput
juunip 16-at 2007 17:00
Grækenlandimi kunngikkormiut illussaarsuat maanna ammarneqarsimavoq, taarserneqarsinnaanngitsunillu itsarsuarnisanik, grækerit ruumamiullu pingaartitaannik, oqartussaasut nassaarsimapput.
Nutaarsiassaqartitsivik Ritzau taama ilisimatitsivoq.
Grækenlandimi kunngikkormiut, kunngi Konstantin, nulialu danskeq, Anne-Marie, ukiut 40-t matuma siorna qimaapput, illussaarsuallu, Athenip avannaani Tatoi-imiittoq, ipermik, oqummik nissavaarsuullu nigaliaanik ulikkaavissoq oqartussaasut maanna ammarsimavaat.
Inuusaliat, qummuattaasat niaquernaveeqqutillu itsarsuarnisat nassaarineqarsimapput. Itsarsuarnisat katillugit 1.300-t nassaarineqarput, grækerillu qalipaasorsuit tusaamasat qalipagaat nassaanut aamma akuusimallutik.
