Itiviiniartunik annaassiniartarnerit qaqutigoortuupput

Sermersuaq itivillugu angalaneq sapaatip akunnerata naanerani ajunaarnermik kinguneqangajappoq. Sermersuaq itivillugu angalasoqartillugu ikiorneqarnissamik pisariaqartitsisartut qaqutigoorput, nalinginnaasuuvormi isumannaallisaanerup ajunngitsumik aaqqiivigineqartarnera.
Allattoq Louise M. Kleemann
juunip 04-at 2008 10:24

Tuluk sermersuaq itivilluinnaleraalu annaanneqarpoq. Angalaqatini allat pingasut ingerlaqatigiunnaarpai tammaaneqalerlunilu. Ullut pingasut ilaatigut qulimiguulimmik ujaasisoqarnerata kingorna tuluk taanna nassaarineqarpoq atugarlioqioq qiiaqisorlu. Sermersoq itivillugu angalasut ukiumut 120-it 150-nik amerlasusseqartarput, qaqutigoorporlu taamatut ajutoortoqartanera politimesterip tullersortaa Morten Nielsen oqarpoq.

Sermersuaq itivillugu angalasut sisamat qimussimik Isortumit sermersuarmut aaneqarput. Angalaqataasoq taanna tuluk qimussimik Isortumut ilaajumasimanngilaq angalanertik tamakkerlugu ingerlaarfiginiaramiuk. Ingerlaaqatigiit aqutsisuata tuluk taanna ingerlaqatiginiarlugu Isortumut ingerlataanngilaq, marluullutillu angalanertik tamakkerlugu ingerlaarnialerlutik, angalaqatigiit aqutsisuat Charlie radioaviisimut oqarpoq ajutoorluinnangajassimallutik. Angalanerup naggataatungaani imminnut tammarsimapput, aappalu kisimi Isortumut apuulluni.

Ullut pingasut qulimiguulimmik ujaasisoqareermat tuluk taanna nassaarineqarpoq qiiaqisoq atugarlioqisorlu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq