Itinersat immamik silaannarmillu kissakkiartortitsipput

Immat itisoortaasa sunniutaat pingaartumik Nunatta Kitaata Kujataani Labradorip imartaanik taasartakkami Nunattalu kangiata kujataani Irmingerip imartaanik taasartakkami kingumut malunnarsilluarsimavoq.

Immat itisoortaasa sunniutaat, tassaavoq, immap qaavata nillerterujussuarneratigut immap nillertup kissartuminngaanniit oqimaannerunini pissutigalugu nillertup itinersamut kiviartortarnera taamaalillunilu imaq nutaaq qallinngortittarlugu. Tamanna nunarsuup avannaatungaata imartaani tamani immap silallu pissusaata allanngoriartorneranik kinguneqarpoq.

Sarfap nunarsuup avannaatungaani ingerlaarnera imaattarpoq.... immap itinerusortaata imaq nillertoq sarfaassaa kujammut ingerlaartarpoq, immallu qaavatungaani imaq kissartoq - Golfstrømmimik taaneqartartup sarfaassaa - avannamut ingerlaartarluni. Tamannalu tassa nunarsuup avannaatungaani immap silaannaallu kissakkiartorneranik kinguneqarpoq.