Itigartitsisoqariataarnissaa USA-mut akisussaqaaq
Taama paasisaqarput USA-mi Inatsisartut Aningaasaqarnermut allattoqarfiat. Tamaannalu tunngavigalugu maanna republikanerit ajalusoortinneqartussanngorunarput, tassami taakku piumasarisimavaat peqqinnissaq pillugu aaqqissuusseqqinnerup taasissutigineqarnerani tamanna itigartitsissutigineqassasoq. Republikanerit maanna Respræsentanternes Hus-imi amerlanerussuteqaleraluarput.
Inatsisartut Aningaasaqarnermut allattoqarfiata paasisai naapertorlugit, maanna demokraatit iluaqutissarsitinneqarunarput, tassami peqqinnissaq pillugu aaqqissuusseqqinneq itigartitsissutigineqarpat tamanna, 2020-p tungaanut, USA-mut 825 milliard koruuninik naleqartussaassammat.
Tassalu maanna republikanerit tunngavilersuutissaarutiigunarput itigartitsinissaminnut.
Inatsisartut Aningaasanut allattoqarfiata eqqaanngisaa tassaavoq, peqqinnissaq pillugu aaqqissuusseqqinnerup itigartinneqarnerani, inuit napparsimalernissamut sillimmaserneqarsinnaanerat, inatsisitigut isumaqatigiissutaasimagaluartup ammalu inunnut 32 millioniusut sillimmateqanngitsunut atorsinnaasaat annaaneqassammat.
Aaqqissuusseqqinnerup atorunnaarsinneqarnissaanut republikanerit mianersoqqussutaat Repræsetanternes Husimi atorunnaarsinniarneqassagaluarpat, tamanna Senate-mi unitsinneqariaannavoq, tassami tassami demokraatit amerlanerussuteqaramik.
