ITCIP-mut aningaasaliissutit amerlisut

Nunat inuiinut pikkorissartitsisarfik ITCIP nunatsinniittoq, 2 million koruuninik aningaasaliisarfimmit Ford Foundation-imit aningaasaliiffigineqarpoq.

Ford Foundation-ip ITCIP-mut aningaasaliissutigisartakkani taamaalilluni pingasoriaammik annertusivai.

Ford Foundationimeersoq Larry Fox oqarpoq aningaasaliissutimik pikkorissartitsisarfiup ineriartortinneqarnissaanut pikkorissartitsisarnerillu annertusarneqarnissaanut atorneqarnissaat takorlooritsik.

ITCIP-mut aningaasaliisartut allat aningaasaliissutigisartakkaminnik qaffaanissaat Ford Foundationip aningaasaliissutigisartakkaminik qaffaanermigut aamma anguniarpaa.

ITCIP, international training center for indigenous people, Ingmar Egede-galuup 1997-mi pilersitaraa, taamanerniillu pikkorissartitsisarnerit ukiut tamaasa ingerlanneqartarput Nuummi Sisimiunilu.

Nunat inuii ilaatigut Canadamit, Ruslandimit Australiamit USA-meersullu pikkorissaqataasarsimapput.

Pikkorissartitsisarni nunat inuiisa nunat tamalaat akornqanni inatsisitigut inissimaneq, nunat tamalaat akornanni isumaqatigiissutit nunap inuiisa inuttut pisinnaatitaaffiinut tunngasut sammineqartarput.