Italiamiut ukiuni tallimani parnaarussassanngortitaasinnaasut

Italiami innuttaasut coronavirusimik tunillanneqarsimasut angerlarsimaannaqquneqarnerminnik piaaralutik unioqqutitsisut ukiuni tallimani parnaarussassanngortitaasinnaapput.
Italiami inuit 743-t coronavirusimik akunnerit 24-t kingulliit ingerlaneranni toqquteqartut ippassaq nalunaarutigineqarpoq. Nualluummik Italiami toqquteqartut taava katillutik 6820-nngorput. Italiami naalakkersuisut taama ilisimatitsisut nutaarsiassaqartitsivik Reuters allappoq. Assi © : Carlo Hermann/AFP/Ritzau Scanpix
Allattoq Ritzau
marsip 25-at 2020 08:18
Nutserisoq Mads Lynge

Italiami innuttaasut angerlarsimaannaqquneqarnerminnik piaaralutik unioqqutitsisut sakkortunerusumik pineqaatissinneqarsinnaanngorput. Nutaarsiassaqartitsivik DPA taama allaaserisaqarpoq.

Innuttaasup angerlarsimaannaqquneqarnini piaaraluni unioqqutippagu oqartussanit ukiumik ataatsimik tallimalluunniit pallillugit parnaarussassanngortinneqarsinnaavoq.

Angerlarsimannaqquneqarnermik malittarisassanik allatigut unioqqutitsisut 400 aamma 3000 eurot akornanni akiliisussanngortinneqarsinnaapputtaaq. Tassa 2986 koruunit 22400 koruunillu akornannni. Italiap ministeriunera Giuseppe Conte naalakkersuisoqatini ataatsimeeqatigereerlugit taama oqarpoq. Nutaarsiassaqartitsivik DPA taama allaaserisaqarpoq.

Italiami inuit 743-t coronavirusimik akunnerit 24-t kingulliit ingerlaneranni toqquteqartut ippassaq nalunaarutigineqarpoq. Nualluummik Italiami toqquteqartut taava katillutik 6820-nngorput. Italiami naalakkersuisut taama ilisimatitsipput.

Inuit 700.000-it pallillugit Italiami nualluummik tunillanneqarsimasinnaasut, ajunaarnersuaqartillugu ikiuiniarnermi ataqatigiissaarisup aviisimut La Repubblicamut oqaatigaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk