Italiap Meloniata Amerikamiut Kalaallit Nunaannut saassusseqqunngikkai
USA sakkutuulersorluni Kalaallit Nunaannik tiguaaniarsinnaanissaa, Italiap ministeriunerata Giorgia Melonip ilimaginngilaa.
Reutersip allaaserisaa naapertorlugu, tusagassiortunut ukiortaamut atatillugu tallimanngornermi sassarnermini oqarpoq.
Amerikamiut Kalaallit Nunaannut saassussissagaluarpata, Natomi illersornissaqarnikkut iligiinnut imaannaanngitsumik kinguneqartussaasoq Melonip mianersoqqussutigaa.
Taanna ilutigalugu ilassuteqarpoq, Nato “tutsuiginartumik pingaaruteqartumillu” Issittumi peqataanissaa – tassani Kalaallit Nunaanni – pisariaqartoq.
Meloni naalagaaffiit naalakkersuisullu siuttuinut, Kalaallit Nunaata siunissaa Danmarkip Kalaallit Nunaatalu kisimik aalajangiiffigisinnaatitaagaat marlunngornermi oqaaseqartunut ilaavoq.
USA-p isumannaatsuunissaa pissutigalugu Kalaallit Nunaannik pisariaqartitsineranik Donald Trumpip oqaaseqaqqinnerata kingorna oqaaseqarnerat pivoq.
Trumpip nunamik tiguaanissamut sakkutuulersorsinnaaratarsinnaaneq itigartinnikuunngilaa.
/ritzau/
