Italiami takutsitsinersuarmut nunarput peqataavoq

Europami angalatitseqatigiiffiit takornariartitsisartullu Italiami nittarsaasseqataapput.Takornariartaassuit amerligaluttuinnartut nunatsinnut tikittalernikuusut suli amerliartornissaat ilimagineqarpoq.

- Assersuutigalugu Nuummut tikittartut ukiormanna siornamut naleqqiullugit marloriaatinngorput. Taamaammat Venedig-miinnitsigut qulakkeerniarparput nunatsinnukartitseqqinnissaat immaqalu takornariartaassuit siornatigut tikittarsimanngitsut nunatsinnukartalernissaat, Flemming Nicolaisen, Nuuk Tourismimeersoq oqarpoq.

- Takornariartitsisartut nunatsinni paasigaluttuinnarpaat aningaasarsiorfissatsialaasoq, taamaammat nunarsuup ilaani nittarsaassinerni peqataasarpugut, Flemming Nicolaisen nassuiaavoq.

Venedig- miipput Nuuk Tourism, Qaqortoq Tourist Service, Kangerlussuaq Tourism aamma Nunatsinni Takornariaqarnermi Inuussutissarsiornermilu Siunnersuisoqatigiit.