Italiami innuttaasut 10.000-t qimagussortinneqartut
Italiami illoqarfissuarmi Torinomi innuttaasut akornanni 10.000-it angerlarsimaffimminnit sapaammi qimagussorneqartariaqalerput, qaartartormi Sorsunnersuaq Kingullermeersoq suli qaarneqanngitsoq nassaarineqarpoq, qaartartorlu qaarsinnaajunnaarsinneqarluni.
Qaartartoq 230 kiilu Torinomut ukiut 70-it sinnerlugit matuma siornatigut nakkartinneqarpoq.
Allattoq Ritzau
decembarip 02-at 2019 12:13
Nutserisoq Mads Lynge
Qaartartoq 230 kiilu Torinomut ukiut 70-it sinnerlugit matuma siornatigut nakkartinneqarpoq.
Inuit 50.000-init amerlanerusut qimagutitinneqanngikkunik isersimaannarnissaminnut, sapaammi ullaakkut nalunaaqutaq arfineq-marlunut kaammattorneqarput.
Innuttaasut sapaatiummat ualikkut nalunaaqutaq marluk missaanni angerlarsinnaanngorput, immikkut ilisimasallit qaartartoq qaarsinnaajunnaarsereeraallu angerlarsinnaanngorlutik.
Oqartussat isumannaatsuunissaq eqqarsaatigaat, timmisartummi Torinop silaannartaatigooqqusajunnaarallartinneqarput.
Immikkut ilisimasallit illersornissaqarfimmeersut qaartartoq Torinomit annippaat, qaartiterivitoqqami qaartinneqarumaarluni.
