Italiami angut 47-inik ukiulik lottomi 1,2 milliarder koruuninik eqquivoq
Europami lottomi eqqugassat annerpaartaat Italiami ippassaq eqqorneqarpq.
Allattoq Jaaku Lyberth
aggustip 23-at 2009 14:06
Eqquisoq tassaanerarnerarpoq 47-inik ukiulik Toscanami illoqarfeeqqami Bagnone-mi najugalik, ujaqqerisoq. Taasuma eqqorpai, 147,8 millioner Euro koruuninngorlugit 1,2 milliarder koruuningajaat.
Lottomik eqquisoq illoqarfeeqqami Bagnone-meersuusoq paasineqarmat, illoqarfeerarmiut nuannallutik aniasiapput fiistallutillu.
Bagnonemi borgmesteri illoqarfeeqqami innuttaasut peqatigalugit nuannattunut ilaavoq, taanna neriuppoq, eqquisoq ilerasuuteqanngitsuussasoq tassamigooq Bagnonip kommuneani aningaasat atugassarititaasut 2,3 millioner eurot taamaallaat pigigamikkit.
Danmarks radiup ilanngutassiaa malillugu eqquisoq avammut suli saqqumminngilaq, neriuuigineqarporli eqquisup eqqugarpassui aningaasarpassuit eqquisumut nuannaarutaajumaartut
