IT pillugu oqaaseqarumanngilaq
- Naalakkersuisuninngaanniit Tele Greenlandimut aningaasaleereernikuuvugut, Kim Kielsen radioaviismut oqarpoq. IT-li pillugu oqallinneq oqaaseqarfigiumanagu.
IT pillugu siunnersuisoqatigiit siulittaasuat, Ole Kielmann Hansen, Tele Greenlandip attaveqaqatigiinneq pillugu ataatsimeersuartitsineranut atatillugu Kalaallit Nunaanni IT pillugu politikkikkut aaqqiisoqarnikuunnginnera uparuaraluarpaa, qinikkanilli tusaaniarneqarani.
- Immap naqqatigut kabeleqalerpat inuiaqatigiit eqaannerusumik IT atorlugu inuunissaminnut periarfissarpassuaqaraluarput. Politikerit eqeersimaarnerusuuppata anguneqarsinnaasunik, taama oqarpoq Attaveqaqatigiinnermut ilisimasalik John Strand.
- IT pillugu siunnersuuteqatigiit Naalakkersuisunut Inatsisartunullu IT pillugu siunnersuinissaminnut pisussaatitaapput, Siumut sinnerlugu Inatsisartuni ilaasortaq Jørgen Wæver Johansen oqarpoq.