Isumaqatiginninniarnerit ajalusoorput
Israelimiut Vestbreddenimi nunasisarnerisa unitsinneqarnerata atorunnaarsinneqarnissaanik Israelimiut naalakkersuisusa aalaajangernerisa kingorna Palæstiinamiut isumaqatiginniarnertik unitsippaat.
Taamatut oqarpoq, Palæstinamiut præsidentiata Mahmoud Abbasip oqaaseqartittagaa, Præsidentip PLO-mi aqutsisunik oqaloqateqarnerata kingorna.
Israelmiut Vestbreddenimi nunasisarnerisa sanaartortarnerisa inerteqqutaanerat qaammatinik qulinik sivissuseqartoq sivitsorneqarnissaanik USA, Rusland aamma Naalagaaffiit Peqatigiit sakkortumik Israel-imut kaammattuuteqarput.
Vestbredden-imi sanaartornerup nunasisarnerullu inerteqquttaanera ataasinngormat atorunnaarmat, inerteqqutaanerata atorunnaarsinneqarnissaa, Israelmiut naalakkersuisuisa ministeriunermik Benjamin Netanyahumik siulittaasoqartut itigartitsissutigaat.
Vestbredden-imi nunasisut sanaartorsinnaanerat Israel-miut naalakkersuisuinit akuerineqarnerata kingorna piffissami qanittumi sanaartukkanik nutaanik 2.000-inik amerlassusilinnnik sanaartortoqarnissaq nunasisunit oqaatigineqarpoq.