Isumaqatiginniniarnerit naammassissangatilerpaat
Isumaqatigiinniarnermi illuatungeriit oqaaseqarusunngikkallarput, Dansk Metalimili allatsi Henrik Nipper oqarpoq isumaqatigiinniarnerit inussiarnerpalaartumik ingerlanneqartut.
Taassuma aamma oqaatigaa ulloq naatinnagu illuatungeriit naammagisinaasaannik isumaqatigiittoqarsinnaassasoq, nangillunilu oqaatigalugu Air Greenlandip piumasaqaatai naammagiinnarneqarsinnaagunartut.
- Isumaqatigiissuteqarnikkut suliumajunnaartoqannginnissaa anguniarlutigu oqaruma tamarmik isumaqatigissagunarpaannga, Henrik Nippel oqarpoq.
Isumaqatigiinniarnerit angusaqarfiunngippata apriilip aallaqqaataaniit suliummajunnaartoqarnissaa Dansk Metalimiit aarlerisaarutigineqareernikuuvoq.
Pilersaarutit naapertorlugit Dansk Metalimiit isumaqatigiinniartut aqagu Danmarkimut utertigatik isumaqatigiissuteqartoqareernissaa neriuutigineqarpoq.