Isumaqatigiittoqarnissaa Danmarkip qulakkeerniartussanngorpaa

- Danmark, kikkunnit tamanit alaatsinaanneqarpusi. EU-mi silap pissusaanut tunngasunik isumaqatigiinniartartut pisortaata oqaasii paatsuugassaanngillat.

Silap pissusaa pillugu Københavnimi ataatsimeersuarnissamut ullut 30-ujunnaaraluartut, isumaqatigiinniarnerit uninngasutut oqaatigineqarsinnaapput, taamaattumik silap pissusaa pillugu isumaqatigiissuteqarnissaq Danmarkip annaanniassagaa EU-mit piumasarineqarpoq.

- Københavnimi ataatsimeersuarnerup angusaqarfiunissaa maannakkut suli qulakkeerneqanngilaq. Isumaqatigiissutissap oqaasertassaa suli alliartortinneqarpoq, pisariaqartinneqartutut eqikkarneqarani, Artur Runge-Metzger EU-Kommissionip silap pissusaanut allaffeqarfiani pisortaasoq oqarpoq.

EU-p silap pissusaanut isumaqatigiinniarnermi siuttuata, silap pissusaa pillugu isumaqatigiissutissami Amerikamiut immikkut pineqarnissaminnik piumasaqarnerat ilanngullugu uparuarpaa. USA-mit erseqqissumik piumasarineqarpoq, Amerikamiut silap pissusaanut inatsisissaat, nunat tamalaat silap pissusaanut isumaqatigiissutissaannut ilaatinneqassasoq.