Isumaqatigiissutissatut siunnersuut siulleq saqqummiunneqarpoq

Silap pissusaa pillugu ataatsimeersuarnermi isumaqatigiissutissatut nutaatut siunnersuut pisortatigoortumik saqqummiunneqarpoq, tassanilu CO2-mik mingutsitsinerup 2050-imi 50 procentimik minnerulersinneqarnissaa siunnersuutigineqarpoq.

Nutaarsiassaqartitsivik Ritzaus Bureau pappiaqqamik uppernarsaatissamik pigisaqalersimavoq, tassanilu 50 procentinik annikillisitsinissap saniatigut 1990-imi aniatitsinerup annertussusianut naleqqiullugu 2050-imi aniatitsinerit 85-95 procentit tikivillugit annikillisitsinissaat taaneqarlutik.

Anguniakkap ilaatut nunarsuarmi nunat pisuut 2020-mi aniatitsinerat 25-40 procentimik annikillisinneqassaaq.

Siunnersuut maanna isumaqatigiinniarnerit ingerlateqqinneqarnissaannut tunngaviussaaq, nunallu ministerii naalakkersuinermilu pisortat sapaatip akunnerani aggersumi ilanngunneqarumaarlutik.

Oqaasertassai naak maanna saqqummiunneqareeraluartut ilisimaneqanngitsut suli amerlaqaat. Soorlu assersuutigalugu nunarsuup kiannerulernissaata qanoq annertutigisumik killilerneqarnissaanut anguniakkat assigiinngitsut marluk - tassalu gradit 1,5-iussanersut imaluunniit marluk.

Nunanit amerlanerpaanit gradit marluk anguniarneqarput, qeqertaaqqanili naalagaaffiit qarsutsinermit immikkut ulorianartorsiortut nunarsuarmioqatinut qinnutigaat kiannerulernissaq 1,5 gradiussasoq aalajangiusimaqqullugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat