Isumaqatigiissut nutaaq saqisut siulittaasuannit iluarineqarpoq

Air Greenlandip Air Greenlandillu saqisuisa akornanni ippassaq isumaqatigiissut saqisut siulittaasuannit Anders Mark Jensenimit iluarineqarpoq.
Allattoq Mads Lynge
juunip 14-at 2009 16:45

- Qaqugukkut sulisoqarsinnaanera aningaasarsiallu pillugit isumaqatigiittoqarnera iluarinarpoq, isumaqatigiissutillu ilaasortatsinnit akuerineqarnissaat innersuussutigerusuppara, Anders Mark Jensen Radioaviisimut oqarpoq, saqisulli peqatigiiffianni ACU-mi ilaasortat isumaqatigiissut pillugu taaseqqaartussaasut erseqqissaatigaa.

Isumaqatigiissut ilaasortanit akuerineqarsimanersoq akuerineqarsimannginnersorluunniit juunip 30-ani aatsaat paasinarsissaaq, atuuttussanngortinneqassanersorlu paasinarsiumaarluni.

Air Greenlandimi suliumajunnaarniarnerigaluaq isumaqatigiissitsiniartumit ullunik 14-inik kinguartinneqarpoq.

Isumaqatigiissut juunip 30-ani akuerineqassanngippat, suliumajunnaarneq juulip tallimaani aatsaat aallartissinnaassaaq, Anders Mark Jensen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq