Isumaqatigiissut Air Greenlandimut 50 millioni koruuninik naleqarsinnaavoq
Namminersorlutik Oqartussat nalunaarsugaat naapertorlugit atorfimmut atatillugu sulinngiffeqarnermilu angalanerit koruunit 55 millionit 67 millionillu akornanni nalillit siorna aningaasartuutigineqarsimapput. Tassa taakkua aningaasartuutit Aningaasaqarnermut Naalakkersuisup Palle Christiansenip Air Icelandimik isumaqatigiissuteqarnikkut ikilisarniagai.
Isumaqatigiissusiarli inatsisartut ataatsimiittarfianni assigiinngitsunit, Qeqqata Kommuniani kiisalu Kommuni Kujallermi borgmesterinit aamma Kangerlussuarmi nunaqarfiup siulersuisuinit, kiisalu SIK-mit ulluni kingullerni annertuumik isornartorsiorneqareerpoq.
Namminersorlutik Oqartussat iluanni angalanernut aningaasartuutit nalunaarsorneqarsimasut kingulliit 2009-meersuupput, taakkualu takutippaat taamani atorfimmut atatillugu angalanernuinnaq 65 milllioni koruunit aningaasartuutigineqarsimasut.
2009-mi angalanermut aningaasartuutit katillugit 225 millioni koruuniupput, taakkualu amerlanersaat 144 millioni koruunit napparsimasut ilinniartullu angallannerannut aningasartuutaasimallutik.