Isumaqatigiissusiortoqarnissaa periarfissaarulluinnalerpoq
Silap pissusaa pillugu isumaqatigiinniariat Barcelonami sapaatit akunnerani uani ataatsimiipput, isumaqatigiinniarnerillu ullumi naggataarneqassallutik, taamaattorli avatangiisinut iluarsiisoqarnissaanut isumalluartoqartariaqanngilaq.
Connie Hedegaard ataasinngornermi Spaniamukarami, silap pissusaanut tunngasunik anguniagassanik kusanartunik nassataqarsimagaluarpoq. Ajoraluartumilli angalanera asuliinnaasimagunarpoq.
Ataatsimiinnermi aallartiinnartoq FN-p silap pissusaanut tunngassutilinnut qullersaa Ivor De Boer angusaqarluarnissamik nunarpaluit qilanaarnerat peqqutissaqannginnerareerpaa.
Qeqertaararpassuit angusaqarluarnissamut qilanaarnerat peqqutissaqanngissoraara tassami Københavnimi taanna anguneqarsinnaanngimmat.
Barcelonami ataatsimiinnermi Afrikamut tunngassutillik annertuut isumaqatigiiffigineqartussaagaluarput, ilami nunat killiit tigussaanerisunik anguniagaqarumanngiinnassappata Afrikamiut ataatsimiinnermiit aniinnarnissartik siorasaarutigisarsimavaat, nalunaaquttalli akunnerpaaluni allatut ajornartumik ataatsimiigasuaqattaareerlutik aatsaat ataatsimiinnivik aallarteqqippoq.
Nunat killiit annertunermik anguniagaqarnissaat Afrikamiunit neriuutigineqarsimagaluarpoq.
