Isumaqatigiissummik atsiorneq
Isumaginninnermut Naalakkersuisup Maliina Abelsenip Kalaallit Nunaannilu borgmesterit tamarmik Jess Svane, Qaasuitsup Kommunianit, Hermann Berthelsen, Qeqqata Kommunianit, Asii C. Narup, Kommuneqarfik Sermersuumit, Simon Simonsenilu, Kommune Kujallermiit meeqqat inuusuttut ilaqutariillu pillugit suleqatigiinnissamik isumaqatigiissut ualimut atsiorpaat.
- Naalakkersuisut kommunillu inuunerissuunerup ineriartortittuarnissaa anguniarpaat, taamaasilluni meeqqat tamarmik toqqissisimasumik paaqqutarineqarluarlutillu peroriar-torsinnaaqqullugit, inuillu ataasiakkaat akisussaanerat nukittorsarneqarsinnaaqqullugu, taama ilaatigut isumaqatigiissutissami allassimasoqarpoq.
Isumaqatigiissutip Naalakkersuisut kommuunillu pisussaatippai ataatsimoorussamik iliuusissamik pilersaarutiliornissaq, ineriartornerup malinnaaviginissaa kiisalu inernilii-sarnissaq anguniarlugu.
Isumasioqatigiinnermi ”Ataatsimut kivitseqatigiinneq”-mi Kalaallit Nunaanni inuiaqatigiinni suliffeqarfiit akimorlugit isumaginninnikkut suliniutissat isiginiarneqarput.
