Isumaqatigiinniarnernik aallartitseqqerusuppoq

Korea Avannarlermut saassussiniarluni ullut arlaqanngitsut matuma siorna aarlerisaarutigereerlugu, Korea Avannarlermik isumaqatigiinniarnerup aallarteqqinnissaanut Præsident Lee kaammattuivoq, isumaqatigiinniarnermi Korea Avannarliup atomimik sakkussiorniarnera annertunerusumik oqaluuserineqassalluni.

Isumaqatiginninniartarnerni Japan, Kina USA aamma Rusland kiisalu Korea Kujalleq Avannarlerlu peqataasarsimapput.

- Korea Avannarliup atomi atorlugu sakkussiornerata unitsinnissaa nunat attaveqatigiinnerisigut taamaallaat pisinnaavoq, piffissarlu sivikippoq, Korea avannarliup præsidentia taama isumaqarpoq.

Korea Avannarliup aqutsisorisimasaata Kim Il Sungip aappaagu 100-liniissaraluata nalliuttorsitigineqarnissaa Lee Myoan Bakip eqqaasitsissutigaa.

Aappagu nalliuttorsiornermi Korea Avannarlermi aqutsisut neriorsuillutik oqarput, Korea Avannarleq tassaasoq nuna angisooq pissaanilissuaq atugarissaartorlu. Taamatut piumassuseqarluni nalunaaruteqarneq paasineqarsinnaavoq, Korea avannarliup atomi atorlugu sakkussiornini annertusiniaraa, Koreap Kujalliup præsidentia Lee Myoan Bak ernumalluni taamatut oqarsimavoq.