Isumaqatigiinniarnerit unittooqqasut: Kim Kielsen Naalakkersuisut siulittaasuattut ingerlaannassaaq

Erik Jensenip Siumumi siulittaasumut qinersinermi ajugaaneranit qaammatit marluk qaangiuttut taassuma Naalakkersuisunut siulittaasutut atuuffimmi atuutilernissamut isumaqatigiinniarnerit suli iluatsinngilai.
Kim Kielsen Siumumi siulittaasumut novembarip naanerani qinersinermi ajorsarpoq, taannali Naalakkersuisunut suli siulittaasuuvoq. Assi © : KNR / Malik Brøns
Allattoq Mathies Hvid Toft
januaarip 23-at 2021 11:52

Naak Kim Kielsen Siumumi siulittaasuujunnaareeraluarluni nunatsinni atuuffinni qaffasinnerpaami Naalakkersuisunut siulittaasutut suli issiavoq. Maannakkutullu isikkoqartillugu taamaaginnassaq.

Erik Jensenip atuuffimmiilernissaminik ilungersuuteqarnera maannamut kinguneqanngilaq.

Taassuma naalakkersuisoqataasullu partiivinut Demokraatinut Nunatta Qitornaannullu isumaqatigiinniarneri maanna unittut Sisimiunullu angerlaqqittoq aviisip Sermitsiap allaaseraa.

AAMMA ATUARUK Siumut og Naalakkersuisut: Erik Jensen stadig tavs om Naalakkersuisutpost

Isumaqatigiinniarnermi pingaarutilimmik nutaarsiassaqanngilagut, Inatsisartulli ukiuunerani ataatsimiinnermut atatillugu katersuuteqqippata nangittariaqakkatsinnik ataatsimiilluarsimagut oqaatigisinnaavara, taanna aviisimut oqarpoq.

Taamaalilluni isumaqatigiinniarnerit aamma nanginneqanngiinnarsinnaasut aamma oqaatigaa.

Kim Kielsenip isumaqatigiinniarnerit namminerlu isummani oqaaseqarfigiumanikuunngilai. Taannali siulittaasutut atuuffimmit tunuarusunngitsut takussutissaqarnikuuvoq.

Isumaqatigiinniartoqaqqissanersoq Inatsisartut februaarip ulluisa 16-ianni aallarteqqippata paasinarsiumaarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk