SIK: Isumaqatigiinniarnerit suli ingerlanneqartut
SIK-ip siulittaasua Jess G. Berthelsen KNR-imut ullumi oqarpoq aningaasat pissarsiarineqartut pillugit SIK-ip iluani isumaqatigiinniarnerit suli ingerlanneqartut, taamaammallu annerusumik oqaaseqarsinnaanani, ilimagisinnaalluguli aqagu aqaguanguluunniit isumaqatigiissutit inissikkumaartut.
Allattoq Andreas Wille
KNR-imit sapaatip akunnerata siuliani oqaluttuaraarput SIK Namminersorlutillu Oqartussat isumaqatigiissummik atsioqatigiittut, maannakkulli kikkut qanoq annertutigisumik qaffaaffigineqassanersut kikkullu naammagittalaartariaqassanersut suli oqaatigineqarsinnaanngilaq.
AAMMA ATUARUK SIK Namminersorlutik Oqartussallu isumaqatigiissummut isumaqatigiipput
Nuummi portørit sinniisaat, Ujarak Jessen Heinrich, isumaqatigiissutit pillugit annerusumik oqaaseqarusunngilaq, oqaatigaali portørit 2 koruunit 15 ørellu sinnerlugit maannamut qaffaavigineqartut.
AAMMA ATUARUK Lokalafdelinger har endnu ikke godkendt overenskomst