Isumaqatigiinniarnerit ajalusoortut
Avannaani Kattusseqatigiit Partiiata Siumullu isumaqatigiinniarnerat ajalusoorpoq – partiip sorliup borgmesterinngortitsinissaanik apeqqut isumaqatigiinniarnernik ajalusoortitsisoq Palle Jeremiassen-ip Siumuminngaannersup oqaatigaa.
Allattoq Louise M. Kleemann
Taarsiullugu Atassut Siumullu kommunalbestyrelsissami suleqatigiinnissaq anguniarlugu isumaqatigiinniarlutik aallartipput.
Kattusseqatigiit Partiiannit ippassaq oqaatigineqaraluarpoq partiinik allanik isumaqatigiinniarnerit unitsinniarlugit Siumullu isumaqatigiissimallutik.
Qinersinermi Siumut qulingiluanik isertitaqarpoq, partii amerlanerussuteqassaguni aqqanilinnik isertitaqartussaavoq, tamannalu Atassutip isertitaasa sisamat suleqatiginerisigut anguneqarsinnaavoq.