Isumalioqatigiissitat isumaqatigiinniarnerat naammassivoq
Nunatta pissarititai nunatta siunissami tamakkiisumik iluaqutigisussanngorpai.
Namminersorneq pillugu isumalioqatigissitami aningaasaqarnermut inuussutissarsiornerullu siuarsarnissaanut suleqatigiissitap siunissami aatsissatatigut isertitassat pillugit isumaqatiginninniarnitik naammasseqqammerpaat.
Pisuussutinik uumaatsunik aningaasarsiortoqalissagaluarpat nunatta isertitat tamaasa pissarisagai suleqatigiissitap aalajangiuppaa. Tamanna innersuussutillu allat namminersorneq pillugu ataatsimiitsitaliarsuarmi aprilip 18iani ataatsimiittussami innersuussutigineqassapput.
-Demokraatit suleqatigiissitami aallartitaata inernerusoq nuannaarutigaa - ukiut pingasungajaat isumaqatiginninniarnerit naammassimmata naammagisimaarinnippugut, kalaallit inuuniarnermikkut ajornerusumik inuuneqalinnginnissaat sulinitsinni pingaartissimavarput ilungersuutigullu maanna kinguneqartutut oqaatigineqarsinnaapput, Per Berthelsen raatiuaviisimut oqarpoq.
Isumaqatigiissutigineqartut arfiniliupput namminersorneq pillugu
Ilaatigut aalajangiunneqarpoq Nunatta tapiissutit aningaasat akillu qaffakkiartornerat najoqqutaralugu pigiinnassagai, aatsitassanit allanilluunniiit isertitassat tamakkiisumik nunatsinnut tuttassapput., Aatsitassanit sertitat 75 million koruunit qaangerpatigit bloktilskudip apparsarneqarnera aallartinneqartassasoq innersuussutigineqassaaq.
