Isumalioqatigiissitaq ukiortaami ataatsimiissaaq
Namminersorneq pillugu isumalioqatigiissitaq januaarip naalernerani februaarilluunniit aallartinnerani ataatsimiissaaq, isumalioqatigiissitap siulittaasoqarfia ullumi taama aalajangerpoq.
Allattoq Jokum Nielsen
Namminersorneq pillugu isumalioqatigiissitap siulittaasua Jonathan Motzfeldt folketingimilu siulittaasoq nutaaq, isumalioqatigissitami siulittaasup tullersortaatut inissittoq, Thor Pedersen ullumi ataatsimeeqatigiipput.
Illua’tungeriit folketingimi ilaasortat sorliit isumalioqatigiissitamut ilaasortanngussaanersut manna tikillugu ilisimanngilaat.
- Ministeriunerup isumai Namminersorneq pillugu isumalioqatigiissitamiinngikkallarput, ilimagaarali maanngaanniit aallartinnanga tusagaqassallunga Jonathan Motzfeldt radioaviisimut oqarpoq.
Isumalioqatigiisitamut inatsisartuninngaanniit ilaasortaatitat ilaasortaaginnassapput.