Isumalioqatigiisitap takorluugai kujataani isorineqarput

Assartuussineq pillugu isumalioqatigiisitap takorluukkanut tunngatillugu siunnersuutaani kujataani periarfissat eqqaaneqarsimanngitsut, Narsami Inuussutissarsiorneq pillugu oqallittarfimmi siulittaasoq, Ib Laursen isumaqarpoq.

- Nunaateqarneq aatsitassarsiornissarlu eqqarsaatigalugit nutarterivugut. Tupinnarpoq Nanortallip eqqaani gultisiorneq ataatsimiititaliamik ataasiarluniluunniit eqqaaneqanngimmat, Ib Larsen oqarpoq.

Taanna isumaqapoq Kalaallit Nunaata kujataa siunnersuummi soqutigineqanngitsoq.

- Nuuk aallaavigineqarpallaaqaaq. Qaqortumi Inuussutissarsiorneq pillugu oqallittarfimmi siulittaasoq, Jim Riis allappoq, Ib Laursenilu tamatumunnga isumqataavoq:

- Qaqortumi mittarfeqalersinnaaneq eqqaaneqanngilaq. Kujataani aatsitassarsiornissamik periarfissaqarluarnera eqqaaneqanngilaq. Ataatsimiititaliarsuup Nuuk aallaavigivallaarpaa. Illoqarfinnut aqqutissat pingasut, timmisartumik aqqutit eqqarsaatigalugit, siunnersuutigineqartut Nuuk aallaavittut eqqaaneqarpoq, kujata ataasiarluniluunniuit eqqaaneqanngilaq, Ib Laursen oqarpoq.

Assartuussineq pillugu isumalioqatigiisitap ataatsimiititaliaa kujataani illoqarfiit tamaasa maanna angallavigaat.