Isumaginninnermik suliaqartut sallunaveeqqutitut atorneqarput

Naalakkersuisuit siulittaasuata Hans Enoksenip Statsminister Anders Fogh Rasmussenillu jannuaarip ulluisa qulingani isumaginninnikkut isumaqatigiissuteqarsimanerarlutik nalunaaruteqarnera, tusarnersaagaavoq.
Allattoq Jaaku Lyberth
februaarip 06-at 2008 10:11

Eqaamassavarput Hans Enoksen inuiaqatigiinnut nalunaaruteqarpoq, piffissami tassanerpiaq Siumumut siulittanngorniunneqartoq, taamaattumillu tusarnersaakkamik Hans Enoksen taamanikkut nalunaaruteqarpoq, Asii Chemnitz Narup oqarpoq. Inunnik isumaginninermik suliaqartut sallunaveeqqutitullusooq Hans Enoksenip tigusariavaatigut, Asii C. Narup oqarpoq.

Hans Enoksen Siumumi siulittaasunngornerminut atatillugu qineqqusaarutitut atorpaa, isumaginninnermullu suliaqartut sallunaaveeqqutitut atorlugit, Inuit Ataqatigiit inatsisartuni ilaasortaatitaat Asii Chemnitz Naup taamatut isumaqarpoq.

Asii Chemnitz Narup inatsisartut suleriaasiat paragraf 36 atorlugu Naalakkersuisut siulittaasuannut Hans Enoksen-imut apeqquteqaateqarpoq, Statsminister Anders Fogh Rasmussenilu isumaqatigiissutaannik taasaq ajortorlugu. Isumaqatigiissuteqartoqarsimanngilaq oqaloqatigiinerusimallunili.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq