Isumaginnermut sullissisut nutaat 21-t
Nuna tamakkerlugu Isumaginninnermut ikiortinngorlaat katillugit 21-t Hotel Articimi, Illulissani ataasinngormat allagartartaartinneqarput. Taamaasillunilu katillugit eqimattat marluk Namminersorlutik Oqartussat aningaasaaligaannik, ilinniaqqinnerminnik ingerlatsisimasut allagartartaartillugit.
Ilinniagaq katillugit arfinilinnik immikkoortoqartoq, qulequttanik assigiinngitsunik sammitinneqarsimavoq, soorlu: Misissueqqissaarneq qisuariarnerlu atorlugit pissutsinik allannguiniarluni iliuuseqarneq, sulinermi sianiginninneq qanilaassuserlu, oqaatsit iliuuseqarneq, aniguisitsineq allannguinerlu. Inunnik isumaginninnermi katsorsaaneq aamma katsorsaanermi najoqqutassat, pinaveersaartitsiniarluni ilaqutariinnik katsorsaaneq, suleriaatsit assigiinngitsunik sammivillit atornissaat, artorsaateqarneq illersorneqarnerlu, ernineq sioqqullugu, erninerup nalaani ernereernermilu. Atorfillit politikerillu innuttaasunik sanngiiffeqartunik aamma sumiginnaagaangata.
Ilinniagaq sisamanik tunngaveqartumik ingerlanneqarpoq: Atuagarsorneq, sungiusarneq, supervision aamma imminut katsorsarneq, taakkulu isiginneriaatsit assigiinngitsut aamma atorneratigut sullissisutut inuttullu nammineq attortissinnaaneq ingerlariaqqissinnaanissarlu ilinniarneqarput.
Holdit siulliit ilinniakkaminnik ukioq manna siusinnerusukkut naammassipput.