VIDEO Issittup imartaani sikup aakkiartornera takuuk
Isittup imartaata sikuernerpaaffissani septembarip ulluisa qulinganni tikissimavaa. 1978-imi issittup imartaata sikuertarnera qaammataasiakkut nalunaarsorneqartalermalli ukioq manna sikuernerit annersaasut tullerigaat, NASA allaaserisaqarpoq.
Issittullu imartaata sikueriartornerata sukkassusiats nikerarsimanera ilisimatuut tupaallaatigaat.
- Issittup imartaata Juunimi juulimilu aakkiartorsimanera eqqarsaatigissagaanni ukioq manna issittup imartaata sikuernerata (oqaluttuarisaanermi, aaqq.) annersaasut tullerigaat immikkut maluginiagassaavoq, Walt Meier immap sikusarneranik ilisimasalik NASA-mut oqarpoq.
Taassuma nassuiarpaa juuni juulilu tassaasartut sikup aakkiartornerpaaffigisartagai, tassami piffissami tassani seqineq kaaviinnartarmat. Ukiorli manna qaammatini taakkunani sikup aakkiartornera unikaallatsinneqarsimasoq oqaatigalugu.
Juunimi juulimilu naqitsiniisaffiup appasissimanera nuiaqartarsimaneralu pissutaallutik sikup aakkiartornera arriinnerusimavoq. Aggustimili anorersuit marluk aqqusaarnerisa kingorna septembarip aallartinnerani aakkiartornera sukkatsissimagaluarpoq.
Septembarilli qulingani ukioq manna sikukinnerpaaffissani tikissimarpasikkaa NASA allaaserisaqarluni.
Marsip naaneranit septembarip aallartinneranut issittup imartaata sikuata aakkiartornerata filmeeranngorlugu takusassiarineqarnera allaaserisap ataani isiginnaarsinnaavat.
