Silap allanngoriartornera takutinniarlugu iliuuserineqarsinnaasut amerlaqaat, Qalasersuullu Avannarliup eqqaani nalunneq taakkununnga ilaasinnaalluni.
Imermi imaluunniit imarmi nillertumi naluttartoq tuluk Lewis Gordon Pugh, nunatta avannaarsuata imartaani ippassaq naluppoq, 1 kilometeritut isorartutigisoq nalunnguarfigigamiuk.
Qarleeralerlunilu, teqqialerlunilu isarussersimallunilu 1 kilometeri naluppaa, imarlu naluffigisaa minus 1,8 gradiusimalluni.
Minutit 18-it sekundillu 50-it atorpai, taamaalillunilu nunarsuarmi rekordiliilluni.
- Qalasersuup Avannarliup eqqaani imartaq sikusimasussaagaluartoq takullugu eqqumiippoq, silallu allanngoriartornera taamaasilluni aamma takutinneqarsinnaavoq, Lewis Gordon Pugh oqarpoq, nangillunilu:
- Annernaqaaq, uniinnarnissaralu eqqarsaatigisarsimagaluarpara, naluttartartoq tuluit tv-qarfissuannut BBC-mut oqarpoq, neriuutigaluguli iluaqutaajumaartoq, tassa silap allanngoriartornerata kingunerisinnaasai takutinniarneqarmata.
