Issittup imartaa danskit imarsiortuisa niuernerpalaartuutikkusuppaat
Nunat tamat imarsiorneq pillugu kattuffissuat IMO aqqutigalugu suleqatigiittoqatigiittoqarsinnaanissaa takorloorneqarpoq, Danmarkillu piumasaqaatini Dansk Rederiforening aqqutigalugu EU-kommissionimut tunniuppai. Issittoq pillugu iliuusererusutani EU-p saqqummiuteqqammerpaa, nalunaarusiaq saqqummersinneqarami.
Dansk Rederiforeningip tamanna pillugu EU ataatsimeeqatigaa. Piumasarisassat tassani saqqummiunneqarput, niuernerpalaartumik angallattoqalersinnaanissaa neriuutigineqarluni. EU naapertorlugu Issittoq pillugu nunat tamat isumaqarput Issittup imartaa siunissami sikuertalerumaartoq. Taamaalippat Japaniliarneq ullunik qulinik sivikillineqarsinnaassaaq. Immap assinginik suliaq annertussammat imaaliallaannarluni Issittumi angallattoqalernissaa ilimagineqassanngilaq.
Ukioq 2030-mi aatsaat Issittup Imartaani angallattoqalersinnaassagunartoq EU-kommissionip ilimagaa. Angallattoqalersinnaanissarli maanna piareersimaffigineqartariaqarmat EU-kommissionimit aalajangerneqartariaqarpoq angallannermi inatsisit suut malinneqassanersut.
