DMI: Issittup imartaa aatsaat taama sikunngitsigivoq

Issittup imartaa aatsaat taama sikusimanngitsorujussuuvoq. Immap sikusarnera ukiut 40-t matuma siornatigut uuttortarneqartalermalli, ukioq manna marsimi sikuunera, ukiunut allanut naleqqiullugu sikuunngitsorujussuuvoq.
Assi © : NOAA Photo Library/Flickr Creative Commons
Allattoq Mette Nørmark
apriilip 26-at 2019 08:02
Nutserisoq Mads Lynge

DMI nittartakkamini taama ilaatigut allaaserisaqarpoq.

Apriilimut tunngatillugu rekordiliisoqarnissaa naatsorsuutigineqarpoq.

Issittup sikuata silap pissusianut pingaaruteqartupilussuuvoq, silap aalaakkaanerunissaanut pingaaruteqarluni.

AAMMA ATUARUK Issittup imartaa aatsaat taama sikuunngitsigisoq

Issittumi immap sikua DMI-p 1979-imili uuttortartarsimavaa, inernerillu ersaripput: Issittup sikua silap kiatsikkiartornera ataatsimut isigalugu annikilliartorpoq.

- Issittumi immap sikua annikilliartuinnavippoq. Sikup marsimi aattarnerata annertussusaa Danmarkip annertussusaatut ippoq, Rasmus Tonboe, DMI-meersoq oqarpoq.

Immap ukiup ingerlanerani sikusimanngittarnera ataatsimut isigalugu sivitsoriartorpoq, 1970-ikkunnut naleqqiullugu qaammatinik pingasunik sivitsorsimalluni, Tonboe oqarpoq.

Sikuusarneratalu annikilliartornera pissutaalluni sila aammaarluni kiatsikkiartornerulersarpoq, taamalu siku sukkanerusumik aakkiartortalerluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq